На годинешното доделување на Оскар за спортист на годината, нашиот пливач Андреј Стојаноски, во категоријата на лица со инвалидитет и во конкуренција на Оливера Накова Бикова и Бранимир Јовановски, го доби Оскарот за спортист за 2011 година.

Ова признание Андреј го заслужи ова признание со освојувањето на 7-мо и 8-мо место на Светското првенство во пливање во многу силна конкуренција, кое се одржа од 6 - 12 август оваа година.

По добивањето на Оскарот, Андреј изјави дека ова признание му претставува голем мотив за следното натпреварување - Олимпијадата за глуви која ќе се одржи во 2013 година во Унгарија.

Честитки за нашиот Андреј.

Дел од атмосферата од доделувањето на Оскарите Ви пренесуваме преку фотографии...

На 28.11.2011 година, беше одржана Првата седница на Иницијативниот одбор за подготовка на Светското првенство во бадминтон 2015 година во Македонија. На седницата присуствуваа:

- Борче Боев, секретар на Сојуз на спортски федерации на Македонија

- Диме Стојановски, претседател на Бадминтон федерација на Македонија

- Дарко Анастасов, генерален секретар на Бадминтон федерација

- Драган Дојчиновски, генерален секретар на НФСРИМ - МПК

- Тихо Русовски, претседател на НСФГМ

- Маја Маркова, потпретседател на НСФГМ

- Дамир Розман, генерален секретар на НСФГМ

- Тони Пајдаков, компјутерска обработка

- Бобан Розман, компјутерска обработка

- Спиро Ристовски, толкувач на знаковен јазик

- Соња Кимова, толкувач на знаковен јазик

На 18-ти Ноември 2011 година, делегација на Националната спортска федерација на глуви на Македонија оствари средба со директорот на Агенцијата за млади и спорт - Г-дин Лазар Поповски.

Во подолгата средба која се одржа во Агенцијата, директорот беше запознат со работата на Федерацијата, постигнатите спортски резултати и проблемите со кои се соочува. Во пријатниот разговор, доминираа темите за местото и улогата на глувите спортисти во Македонија и на меѓународен план, финансиската ситуација, доделување на спортски признанија на тројца наши спортисти - освојувачи на Светски првенства (сега Олимпијади), доделување на стипендија и категоризација на нашиот пливач Андреј Стојановски и неговиот тренер за освојувањето на 7-ми и 8-мо место на Светското првенство во пливање во Коимбра - Португалија, како и за многу други спортски теми.

Делегацијата ја претставуваа претседателот Тихо Русовски, Генералниот секретар - Дамир Розман и толкувачот Спиро Ристовски.

Претседателот Тохо Русовски со директорот на АМС - Г-дин Лазар Поповски