Националната Спортска Федерација на глуви на Македонија, за прв пат ќе земе учество на Скопскиот маратон оваа година. Нашата Федерација ќе ја претставува 25 годишната глува девојка Кристина Станковска од Скопје, која ќе настапи на 5.000 метри.

Кристина веќе има искуство од кросовите на Спортската Федерација на глуви, каде беше победничка во апсолутна конкуренција.

И’ посакуваме висок спортски резултат.

Нашиот најуспешен спортист - пливачот Андреј Стојаноски, по шестмесечно максимално ангажирање на Спортската федерација на глуви, се избори за правото, за прв пат еден наш спортист да добие Решение за прогласување на категоризиран спортист на Република Македонија.

Андреј Стојаноски се стекна со спортска категорија - Спортист од меѓународна категорија, за освоените 7-мо и 8-мо место на Светското првенство во пливање за глуви, одржано во август 2011 г. во Коимбра-Португалија. За постигнатите резултати, во наредните две години (Сл.Весник на РМ 29/2, 66/04, 81/8, 18/11 и 51/11), ќе прима паричен надомест по основ на категоризацијата.